Katrine Langlo inviterer til lanseringsfest med intimkonsert i samband med utgivinga av diktboka "Kunsten å danse på Lego". Denne kvelden inviterer ho publikum inn i eit univers der pop og poesi møtast i same rom. Med eigne låtar, opplesing av dikt frå boka og i samspel med dyktige musikarar, blir dette ei nær og stemningsfull oppleving der tekst og formidling står i sentrum. Kunsten å danse på Lego er ei bok om å leve med det som gjer vondt – utan å slutte å bevege seg. Om relasjonar, psykisk helse, makt og motstand, men også full av humor, varme og håp. Lanseringsfesten speglar denne breidda, og gir rom for både stillheit, latter og sterke augeblikk. Kvelden er ei feiring av boka, men også av fellesskapet som har vore med på å forme henne – gjennom konsertar, samtalar og møte undervegs. Vi pyntar storsalen i sin mest poetiske skrud, og gler oss til denne festen! NB! Alle som har førehandsbestilt boka får gratis inngang til arrangementet, men gi gjerne beskjed direkte til Katrine Langlo om at de kjem, eller trykk SKAL på FB-arrangementet.