Torstein Flakne og Claudia Scott akustisk

Om arrangementet

Torstein Flakne og Claudia Scott akustisk. Første gong Torstein Flakne og Claudia Scott stod på ei scene saman var under den norske finalen i Melodi Grand Prix i 1986. Med låta "Rock´n Roll Band", skrive av Claudia og Torstein, serverte dei kanskje Melodi Grand Prix sitt mest rockete innslag nokon gong! Staden var altså Stavanger, Claudia var artisten og backing-bandet var Torstein med Stage Dolls, supplert med Ronni Le Tekrø. Det vart tre minutt med vill fest der det låg att øydelagde gitarar og pyrobomber på scena etterpå! - Kanskje like greit at vi ikke vant! Då hadde det blitt månelyst, ler Claudia. Sidan har desse to, etterkvart meritterte musikarane, blitt to av våre mest folkekjære artistar. Torstein Flakne, primus motor i The Kids og Stage Dolls står bak ei lang rekke kjende låtar. Nyleg vart han innlemma i Rockheim Hall of Fame i lag med resten av Stage Dolls. Claudia Scott, ein av våre viktigaste artistar innan countryrock og americana, og eit førebilete for ei rekke av yngre artistar i sjangeren. Ho har fått med seg to Spellemannsprisar på ferda og har gitt ut ei rekke soloalbum for eit veksande trufast publikum. Desse to har no slått sine gitarar og stemmer saman, og du kan oppleve dei i ein akustisk setting der dei framfører sine velkjende låtar, godt blanda med gode historier frå vegen. - I år har vi 35-års jubileum for første gang vi opptrådte sammen. og det må markeres, sier Torstein. - Vi har hørt på hverandres låter, kommet med innspill her og der, og resultatet har blitt utrolig bra. Vi gleder oss som småunger til å fremføre dem for vårt publikum. I tillegg er vi veldig glade i å mimre litt, fortelle artige historier og anekdoter fra et innholdsrikt liv som artister. - Æ glær mæ! humrer Torstein. Og vi gler oss vi og! Dette vert stas å få oppleve. Sjå dei på scena i lag igjen!